بسم الله الرحمن الرحيم
قصيدة خالد الشاعر لزوجته اسيل في عيد زواجهم الثاني
لك مع ضي القمر مني غرام
ومع شعاع الشمس قلبي لك يميل
مايغيب العشق في حزة ظلام
ونورَ ساطع في سويعات الاصيل
يعني لوابختصر كل الكلام
لك غرامي يستمر صبح وليل
استعد لجلك واعظملك سلام
سيدي امرك وذا قلبي ذليل
لوتبيني في حرب ولا في سلام
لجل عينك يوم انا سيفي سليل
لجل راحتها وشوفتها تنام
السهر يحلى مع الليل الطويل
بقضي وقتي بالقصيد والقيام
واجب اشكر ربي الشكر الجزيل
لانه اغناني بحلالك عن حرام
ولانه اهداني الى خير السبيل
ولانه بك افطرني من بعد الصيام
كنت بالقطرة قنوع وجاني سيل
كاني يلي من بعد ذاك الفطام
قمت ادور عن حليب امي بديل
ويوم ذقتك قلت هذا الي يرام
فرق بين امي وبينك شي ضئيل
عشقي لامي مودة واحترام
واجتهاد من اجل رد الجميل
اما عشقي لك تخيرته هيام
قصةيرويها جيل بعد جيل
لفني يالغالي من خلف وامام
وعن يمين وعن شمالي وكل ميل
واسكن بأعماقي لحد المسام
طالبك طلبه لجل مسك الختام
سوها لجلي ومايخدم بخيل
ودي لو تذبحني وانا في المنام
كان تبغي راحتي في موت جميل
وبلغ الي جاي يعزي والامام
ما ابي دمعه على قبري تسيل
ما ابي كلمة ندم ولا ملام
ما ابي مجلس عزا ونوح وعويل
كلنا بنموت ولله الدوام
بس كم واحد غدا لحبه قتيل
اكتب التاريخ واناهز كم عام
قد توفي خالد وبسبة اسيل
تحيـآتي
