إيه اعترف : آغـار - وآغـار - وآغـار
والصح .. راسي بالمجانيـن مسكـون
وضحت لك مليـون مـرّه وتكـرار
إن الهوى بحر ٍ ونا فيـه مدفـون
تعـال خذنـي لا تعـذر وتحـتـار
الدرب واضح واللي مثلـك يدلـون
احذر تقول البحـر خايـن وغـدار
احذر تقول الموج طامي ومجنـون
يجني لآلي الحُب مـن كـان بحـار
يجني جُمان الحُب والـدّر مكنـون
لو النّفَسْ يعرف قوافـي واسـرار
كان اخترق صدر المحبيـن قانـون
حاولت الآقي لك عذر يرفض الثـار
ماكنـك اللـي يـوم خليتنـي دون
سقف الغلا من كلمتك طاح منهـار
خليتني / ماقلت لي ليـش وشلـون
ذي حكمة الي خالـق ٍ كـل الأقـدار
قد قلت لك مليون مـرّه ومليـوون
احذر .. ترى البركان يحرق إذا ثار
ومن فوهته تخرج حمم تصهر الكون
سلـآمتكم
